|
||
اهلا بك يا سنة 2011 |
مقالات روحية | |||
أهلا وسهلا فيكي يا سنة ال 2011 ، أكيد كل يوم فيكي مهم وجايبه فيه مفاجآت، منها الحلو، اللذيذ ومنها الصعب، الأليم، بس عارفه، مش رح أخاف ولا أنهم لأنه لكل يوم في إلي وعد من عند الرب، أو زي مابتقول كلمته "لا تهتموا في شيء بل في كل شيء بالصلاة والدعاء مع الشكر لتعلم طلباتكم لدى الله، وسلام الله الذي يفوق كل عقل يحفظ قلوبكم وأفكاركم في المسيح يسوع" فأنا لما ما بحمل الهم لكن بصلي أو بدعو وبعدها بشكر لأن الأمر صار في إيد سيدي العظيم، المحب ،اللي بهتم بكل تفاصيل حياتي، في لحظتها رح يملاني سلام المسيح العجيب. بدي أقولك كمان إشي يا سنة ال 2011،أنا إنسان، بشر، بس معي خالق كل البشر، أللي أسمه فوق كل إسم وسياده وسلطان ورياسه، فمهما صار، حتى لو كان مؤلم، مش مفهوم إلي، أنا متأكده أنه طالما أنا في مشيئة سيدي، رح يكون للخير. أنا محدوده لكن إلهي، سيدي مش محدود، أنا ناقصه لكن هو كامل، يمكن أنسى شو كتبت إسا، بس هو طويل الروح وكثير الرحمه، راح يذكٌرني إنو هو ما بنسى. فأهلا وسهلا يا سنة ال 2011 ، الرب أعطاني اياكي وأنا برٌجعك لبين إيديه أو بقوله بدي أعبر السنه معك. وهذا يكفي.
|